अमृतानुभव शिव शक्ति समावेशन ओव्या ६ ते १०

हा ठावोवेर्‍ही वियोगभेडें । जें बाळ तरि जगायेवढें ।

वियालीं परी न मोडे । दोघुलेंपण ॥६॥

जगाच्या एवढे

बालक होवून

जाईना मोडून

दोन पण ॥15॥

वियोग वैगुण्य

तयांच्या प्रेमीं न

कधीही घडून

येत असे ॥16॥

आपुलिये आंगीं संसारा । देखिलिया चराचरा ।

परि नेदितीच तिसरा । झोंक लागों ॥७॥

तया अंगी जरी

घडतो संसार

सारे चराचर

अंकुरते ॥17॥

तिसरे पणाची

तया ना झुळूक

असे हे कौतुक

दिसू येते ॥18॥

जयां एका सत्तेचें बैसणें । दोघां येका प्रकाशाचें लेणें ।

जें आनादि एकपणें । नांदती दोघें ॥८॥

एकाच सत्तेचे

तयाला आसन

एकच ते लेण

प्रकाशाचे ॥19॥

ऐसी ही अनादी

एकत्र नांदती

दोन म्हणवती

जरी इथे ॥20॥

भेदु लाजोनि आवडीं । एकरसीं देत बुडी ।

तो भोगणया थाव काढी । द्वैताचा जेथ ॥९॥

दोघात शिरण्या

पाही भेद भाव

परि अटकाव

होतो तया  ॥21॥

मग तो लाजून

होय एकरूप

आपले स्वरूप

विलोपून ॥22॥

देवें संपूर्ण देवी । तियेविण कांहिंना त गोसावी ।

किंबहुना एकोपजीवी । एकमेकां ॥१०॥

देवाने पूर्णत्व

येतसे देवीला

अर्थ ना देवाला

देवीविना ॥23॥

अशी ही जोडी

पुरुष प्रकृती

एकमेका देती

पूर्णत्वची ॥24 ॥