अमृतानुभव भावअनुवाद लिहून झाल्यावर सुचलेली कविता .
*****
आषाढी एकादशीला पूर्ण हा झाला
अभ्यास चालला लिहूनिया॥१
योगायोग बरा जुळून हा आला
तेणे या मनाला तोष झाला ॥२
काय किती कळले आत उतरले
जरी न उमजले मज लागी ॥३
परी झाली सोबत ज्ञानदेवा संगत
शब्दांशी खेळत अनायसे ॥४
येणे सुखावलो भुके व्याकुळलो
दारी मी पातलो मावूलीच्या ॥५
पांडुरंगा दत्ता विक्रांत हा चित्ता
स्वरुपात आता वास करो ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
)
No comments:
Post a Comment