दीप्तीचीं लुगडीं । दीपकळिके तूं वेढी । हें न म्हणतां ते उघडी । ठाके काई ? ॥ ९-४६ ॥
दीप्तीचे लुगडे
ओढ हे ज्योतीला
कोणी सांगायला
लागते का ॥९४
अन्यथा उघडी
राहशील बाई
बोलणे हे पाही
व्यर्थ तैसे॥९५
कां चंद्रातें चंद्रिका । न म्हणिजे तूं लेकां । तर्ही तो असिका । तियाचि कीं ना ॥ ९-४७ ॥
किंवा का म्हणावे
चंद्राला पांघर
चांदणे सुंदर
अंगावरी ॥९६
अहो तो सकळ
चांदणे लेवून
असतो होऊन
स्वतः ठायी॥९७
आगीपण आगी । असतचि असे अंगीं । मा कासयालागीं । देणें न देणें ? ॥ ९-४८ ॥
असे आगी अंगी
सदैव ची आग
तिला काय आग
कोणी द्यावी ॥९८
म्हणोनि भजतां भजावें । मा न भजतां कय नव्हे ? । ऐसें नाहीं स्वभावें । श्रीशिवुचि असे ॥ ९-४९ ॥
भजन ते होते
भजन करता
नच वा करता
नाही होते ? ॥९९
अहो शिवरूप
भक्त तो अभक्त
संयुक्त सतत
भजे वा न ॥१००
अतां भक्ति अभक्ति । झालें ताट एके पातीं । कर्माकर्माचिया वाती । काल्हावूनियां ॥ ९-५० ॥
कर्म कर्माच्या
असती ज्या वाती
मावळून जाती
आपोआप ॥१०१
अन् मग तेथे
भक्ती व अभक्ती
ताटात जेवती
एकाच गा ॥१०२
🌾🌾🌾 .
डॉ.विक्रांत प्रभाकर तिकोणे
https://amrutaanubhav.blogspot.com
🏵🏵
No comments:
Post a Comment