प्रकरण नववें जीवन्मुक्तदशाकथन (सुरवात)
अमृतानुभव, पद्य भावानुवाद, अध्याय ९वा जीवन्मुक्तदशाकथन ओव्या ,१ते५(अभंग १ते ९)
💮💮💮💮💮💮
आतां आमोद सुनास जालें । श्रुतीसि श्रवण रिघाले । आरिसे उठले । लोचनेसी ॥ ९-१ ॥
जसे काही इथे
गंध नाक झाले
शब्दास फुटले
कान किंवा ॥१
अथवा आरसा
जाहला पाहता
होऊन या स्वतः
डोळाची की॥२
आपुलेनि समीरपणें । वेल्हावती विंजणें । कीं माथेचि चांफेपणें । बहकताती ॥ ९-२ ॥
वायु होऊनिया
पंखा सुंदरसा
आप आपणसा
वारा घेई ॥३
अथवा मस्तक
फुल ते चाफ्याचे
होऊन शोभेचे
नांदू लागेल॥४
जिव्हा लोधली रसें । कमळ सूर्यपणें विकाशे । चकोरचि जैसे । चंद्रमा झाले ॥ ९-३ ॥
जर काय जिव्हा
रसरूप झाली
कमळ फुलली
सूर्य रूपे ॥५
आणिक चकोर
स्वतः चंद्र झाले
होते आतुरले
चांदण्यास॥६
फुलेंचि जालीं भ्रमर । तरुणीची झाली नर । जालें आपुलें शेजार । निद्राळुचि ॥ ९-४ ॥
सुंदर सुमने
जाहली भ्रमर
तरूणीच नर
जर इथे ॥७
आणिक थकला
निद्राळू थोरला
स्वतः जाहला
शेज जणू॥८
दिठीवियाचा रवा । नागरु इया ठेवा । घडिला कां कोरिवां । परी जैसा ॥ ९-५ ॥
सोन्याची लगड
ठेविली सुंदर
होय अलंकार
रेखीवसे ॥९
🌾🌾🌾 .
डॉ.विक्रांत प्रभाकर तिकोणे
https://amrutaanubhav.blogspot.com
🏵🏵
No comments:
Post a Comment