अमृतानुभव, पद्य भावानुवाद, अध्याय ४ ज् ज्ञानाज्ञानभेदकथन ओव्या ४१ रे ४३ (अभंग ७६ ते८२ ) चतुर्थ प्रकरणं संपूर्णम्

 अमृतानुभव, पद्य भावानुवाद, अध्याय ४ ज् ज्ञानाज्ञानभेदकथन ओव्या ४१ रे ४३ (अभंग ७६ ते८२   ) ****************************************************************************

निदेचें नाहींपण । निमालियाहि जागेंपण ।

असिजे कां नेण । कोणी न हो‍ऊनि जैसें ॥ ४-४१ ॥

 ४१

सरुनिया निद्रा 
येता जागेपण 
तयाचे स्मरण 
कोण ठेवी ॥ ७६ ॥

जागृती चे भान 
असे क्षण क्षण 
सहज व्यापून 
अस्तित्वाला ॥ ७७ ॥

कां भूमि कुंभ ठेविजे । तैं सकुंभता आपजे ।

तो नेलियां म्हणिजे । तेणेंविण ॥ ४-४२ ॥

 ४२
जया भूमीवर 
ठेवी यला कुंभ 
तियेस सकुंभ 
म्हणविते ॥ ७८ ॥

नेताच तो कुंभ 
परी तो तेथून 
भूमी कुंभाविन 
म्हणतात ॥ ७९ ॥

परी दोन्ही हे भाग । न शिवति भूमीचें आंग ।

ते वेळीं भूमि तैसें चांग । चोख जें असणें ॥ ४-४३ ॥

 ४३
ठेवणे आणिक 
कुंभ उचलणे 
क्रियेचे घडणे 
झाले नाही ॥ ८० ॥

तरी त्या भूमीस 
का घट सहित 
वा घट रहित 
म्हणतात ? ॥ ८१ ॥

तद्वत आत्मा 
आहे नाही विन
केवळ असून 
राही येथे.  ॥ ८२ ॥

 ॥इति श्रीसिद्धानुवादे श्रीमद्‍अमृतानुभवे ज्ञानाज्ञानभेदकथनं नाम चतुर्थ प्रकरणं संपूर्णम् ॥

  

© डॉ.विक्रांत प्रभाकर तिकोणे

  https://amrutaanubhav.blogspot.com