अमृतानुभव, अध्याय १, शिव शक्ति समावेशन ओवी क्रमांक 41 ते 45

ओवी क्रमांक 41 ते 45 

जैसि कां समिरेंसकट गति । कां सोनियासकट कांति ।

तैसे शिवेसिं शक्ति । अवघिचि जे ॥ १-४१ ॥

वायू सवे  गती

सोन्यासवे  कांती

 शिवास ती शक्ती

तैसी असे ॥ 85॥

कां कस्तुरीसकट परिमळु । कां उष्मेसकट अनळु ।
तैसा शक्तींसिं केवळु । शिवुचि जो ॥ १-४२ ॥

अग्नीत तो ताप

कस्तुरीस गंध

शिवशक्ती संघ

 तैसा असे ॥ 86॥

राति आणि दिवो । पातलीं सूर्याचा ठावो ।
तैसीं आपुला साचि वावो । दोघेंही जियें ॥ १-४३ ॥

 

रात्र अन् दिस

गेली सूर्या पाहो

आपुला तो ठावो

हरवली॥ 87॥

तैसी परब्रह्मी

शिव आणि शक्ती

हरवून जाती

पूर्णपणे॥ 88॥

किंबहुना तियें । प्रणवाक्षरीं विरुढातियें ।
दशेचीही वैरियें । शिवुशक्ति ॥ १-४४ ॥

जगत उत्पन्न

प्रवणा मधून

विस्तार येथुन

सृष्टीचा या॥ 89॥

तयाला गिळती

शिव अन् शक्ती

वैरी ही असती

सकळाची॥ 90॥

हें असो नामरूपाचा भेदसिरा । गिळीत येकार्थाचा उजिरा ।
नमो त्या शिववोहरा । ज्ञानदेवु म्हणे ॥ १-४५ ॥

असो, नामरूपाचा

असे भेद शिरा

भक्षुनि तो सारा

उरे तत्त्व॥ 91॥

त्यास जी दाविती

शिवशक्ती दंपती

वंदे तया प्रति

ज्ञानदेव॥ 92॥

© डॉ. विक्रांत प्रभाकर तिकोणे
  https://amrutaanubhav.blogspot.com