अमृतानुभव, पद्य भावानुवाद, अध्याय ३, वाचा ऋण परिहार ओव्या ६ ते १०

 अमृतानुभव, पद्य भावानुवाद, अध्याय ३, वाचा ऋण परिहार ओव्या ६ ते १०

 **********************************************************************

लवण अंगें विरे । परी स्वादें जळीं उरे ।

नीद मरोनि जागरें । जि‍इजे निदें ॥ ३-६ ॥

  लवण पाण्यात
जरी विरघळे
परी स्वाद कळे
रसनेस  ॥११॥

येता जागृतीत
दिसे निद्रा अंत
सूक्ष्म ती रूपात
राही परी  ॥१२॥

तेवीं अविद्येसवें । चौघीं वेंचती जीवें ।

तत्त्वज्ञानाचेनि नांवे । उठतीचि या ॥ ३-७ ॥

तैश्या चारी वाणी
अवैद्ये सोबत
निघून जातात
वाटे ऐसे ॥१३॥

परी तत्वज्ञान
नाव पांघरून
होती ती अवतीर्ण
पुन्हा येथे ॥१४॥

हा तत्त्वज्ञान दिवा । मरोनि इहीं लावावा ।

तरी हाही शिणलेवा । बोधरूपेंची ॥ ३-८ ॥

 

चारीही वाचानी
आपण मरून
दिप तत्वज्ञान
लावियला ॥१५॥

परी मुक्त बोधा
घडे तो ही शिण
उपाधी लेवून
छान जरी ॥१६ ॥

ये‍ऊनि स्वप्न मेळवी । गेलिया आपणपां दावी ।

दोन्ही दिठी नांदवी । नीद जैशी ॥ ३-९ ॥

 

येते स्वप्नावस्था
येताच ती निद्रा
आणिक जागता
जाग जैसी॥१७॥

स्वप्न जागृतीस
स्वप्नच कारक
आणि दर्शक
दशाचि या ॥१८॥

जिती अविद्या ऐसी । अन्यथा बोधातें गिंवसी ।

तेचि यथा बोधेंसी । निमाली उठी ॥ ३-१० ॥ 

तैसी ही अविद्या
अज्ञान पांघरी
इया जीवावरी
अस्तित्वाने ॥१९॥

आणि निमताच
बोधाची उजरी
करते अंतरी
तीच तेव्हा ॥२०॥
 ***********************

© डॉ.विक्रांत प्रभाकर तिकोणे

 https://amrutaanubhav.blogspot.com/