अमृतानुभव, पद्य भावानुवाद, अध्याय ३, वाचा ऋण परिहार ओव्या १६
ते २०
********************************************************
********************************************************
आणि ज्ञान बंधु ऐसें ।
शिवसूत्राचेनि मिसें ।
म्हणीतलें असे । सदाशिवें ॥ ३-१
१६ज्ञान हाही बंध
असे एक खरा
सांगे शिवसूत्रा
सदाशिव ॥३३ ॥
आणि वैकुंठींचेहि सुजाणें ।
ज्ञानपाशीं सत्त्वगुणें ।
बांधिजे हें बोलणें । बहू केलें ॥
३-१७ ॥
वैकुंठीचा राणा
श्रीविष्णू सुजान
गेलासे सांगून
हेच तत्व ॥३४॥
जीव सत्व गुणे
ज्ञाना पाशी बद्ध
बोलणे विस्तृत
तया केले ।।३५।।
परि शिवें कां श्रीवल्लभें ।
बोलिलें येणेंचि लोभें ।
मानू तेही लाभे । न बोलतांही ॥
३-१८ ॥
१८
बोलले श्रीशिव
विष्णु भगवान
म्हणुनी प्रमाण
नाही फक्त ।।३६ ।।
घेऊनिया स्वये
तोच अनुभव
शब्दी सावयव
मांडियला ॥३७॥
जें आत्मज्ञान निखळ । तेंहि घे
ज्ञानाचें बळ ।
तैं सूर्य चिंती सबळ । तैसे
नोव्हे ? ॥ ३-१९ ॥
सदा आत्मतत्व
स्वयंभू सबळ
तया ज्ञान बळ
लागेचिना ॥३८॥
काय कधी मागे
भास्कर आधार
येण्या प्राचीवर
उदयाला ॥३९॥
ज्ञानें श्लाघ्यतु आले । तैं
ज्ञानपण धाडिलें वांये ।
दीपवांचून दिवा न लाहे । तैं आंग
भुललाचि कीं ॥ ३-२० ॥
२०
ज्ञाने मोठेपण २०
घेई जेव्हा ज्ञान
वाया गेले ज्ञान
म्हणावे ते ॥ ४०॥
जाय पाहण्यास
घेऊन दीपक
आपण दीपक
असूनही ॥ ४१॥
त्यांचे ते करणे
स्वतः विसरणे
गुणधर्म नेणे
आपुलाची ॥ ४२॥
*****
© डॉ.विक्रांत प्रभाकर तिकोणे
http://amrutanubhav.blogspot.in
http://amrutanubhav.blogspot.in
No comments:
Post a Comment