अमृतानुभव, पद्य भावानुवाद, अध्याय ५ सच्चिदानंद पदत्रय
विवरण ओव्या ४६ ते५० (अभंग९५ ते १०१ )
रूप नाहीं तैं लावण्य । अंग
नुठी तैं तारुण्य ।
क्रिया न फुटे तैं पुण्य ।
कैसें असे ॥ ५-४६ ॥
रूप नाही तरी
म्हणावे लावण्य
देहास तारुण्य
नसलेल्या ॥ ९५॥
अथवा क्रियांनी
घडल्या वाचून
पुण्यदायी कोण
म्हणे तिला ॥ ९६॥
जैं मनाचा अंकूर नुपजे । तेथिलेनि मकरध्वजें ।
तोचि हन माजे । तरीचि घडे ॥ ५-४७ ॥
मनाचा अंकुर
फुटल्या वाचून
काम तो येऊन
राही काय ॥ ९७॥
कां वाद्यविशेषाची सृष्टी । जैं जन्म नेघे दृष्टी ।
तैं नादु ऐशी गोष्टी । नादाचि जोगी ॥ ५-४८ ॥
जोवरी विविध
वाद्य वाजती
नादाची स्थिति
नादा ठाव ॥ ९८॥
नाना काष्ठाचिया विटाळा । वोसरलिया अनळा ।
लागणें तैं केवळा । अंगासीचि ॥ ५-४९ ॥
काष्टा चा संबंध
सोडीला अनला
तरीही उरला
स्वरूपाने ॥ ९९॥
दर्पणाचेनि नियमें । वीणचि मुखप्रमे ।
आणिती तेचि वर्में । वर्मती येणें ॥ ५-५०
आरशा वाचून
मुखाचे ज्ञान
येतसे घडून
काय कोणा ॥ १००॥
तयास कळले
इथले हे वर्म
गूढ गुह्यतम
पूर्ण पणे॥१०१ ॥
© डॉ.विक्रांत प्रभाकर तिकोणे
*****
********************
No comments:
Post a Comment