अमृतानुभव, पद्य भावानुवाद, अध्याय ५ सच्चिदानंद पदत्रय विवरण ओव्या ११ ते १५ (अभंग२४ ते३२ )

अमृतानुभव, पद्य भावानुवाद, अध्याय ५  सच्चिदानंद पदत्रय विवरण  ओव्या ११ ते १५  (अभंग२४ ते३२  )  

*************************************************************************

दुःखाचेनि सर्वनाशें । उरलें तें सुख ऐसें । 

निगदिलें निश्वासें । प्रभूचेनि ॥ ५-११ ॥

तैसाची दुःखाचा

करण्या विनाश

प्रभूचा विश्वास

सुख बोले॥२४॥

[ प्रभूच्या श्वासात

वेदा ची उत्पत्ती

म्हणून तयाती

नावं ऐसे ]॥२५॥

ऐसीं सदादि प्रतियोगियें । असदादि तिन्ही इयें । 

लोटितां जाली त्राये । सत्तादिकां ॥ ५-१२ ॥

ऐशिया रीतीने

असदाशी तीन

सद ऐसे तीन

योजुनिया॥२६॥

सद  असदा चा

घेऊनिया ग्रास

होऊन लयास

स्वयम् गेले.॥२७॥

एवं सच्चिदानंदु । आत्मा हा ऐसा शब्दु । 

अनन्यावृत्ति सिद्धु । वाचक नव्हे ॥

तयापरी वेद

उच्चारला शब्द

सचिदानंद

आत्मा ऐसा॥२८॥

राहेना निराळा

परब्रह्माहून

जातसे विलिन   

होऊनिया॥२९॥

सूर्याचेनि प्रकाशें । जें कांहीं जड आभासें । 
तेणें तो गिंवसें । सूर्यु कयी ? ॥ ५-१४ ॥

सूर्याच्या प्रकाशे

जड हे आभासे   

जडा त्या  गवसे

सूर्य काय ?॥३०॥

तेवीं जेणें तेजें । वाचेसि वाच्य सुजें । 
ते वाचा प्रकाशिजे । हें कें आहे ? ॥ ५-१५ ॥

तयापरी जया

केवळ तेजाने

वाचेसी  वचने

सुचतात॥३१॥

काय ती हे वाणी  

तयाचे ते ज्ञान

देईल करून

कधीकाळी.॥३२॥

************************ 

© डॉ.विक्रांत प्रभाकर तिकोणे

  https://amrutaanubhav.blogspot.com